Jatorria

Piperrautsaren ekoizpena bere osotasunean Arane baserrian egiten da, gure etxean.
Arane Ibarraren herrigunean kokatzen den XVI. mendeko baserria da eta bertan betidanik lurra zaindu, ulertu eta landu da. Arane gure etxea da, lana gogor egiteko tokia bai eta gure lagun eta familiarekin bizitza partekatzeko txokoa.

100% eskulana

Piperrautsaren ekoizpen osoa eskuz egiten da. Piparrak heldutasun puntura iritsi arte heltzen uzten dira, hau da, gorri-gorriak bihurtu arte. Prest daudenean, bildu, lehortu, txikitu eta poteetan sartzen dira, dena Aranen bertan.
Aranen zortea izan dugu gure lurretako elikagai onenak gozatu eta jan ahal izan ditugulako. Produktu onenen ezaugarriak jaiotzatik ezagutzen ditugu eta janarien benetako zaporeaz gozatzeko aukera daukagu. Ibarra eta piparraren ingurune eta ohituren jakitun garelako, gure etxeetako sukaldaritzara gehien hurbiltzen den produktua landu nahi dugu.

Nekazaritza
iraunkorra

Nekazaritza iraunkorrean sinesten dugunez, artisau produktu bat sortzeko konpromisoa hartu dugu, betiere natura eta ingurunean ahalik eta eragin gutxien izanda.
LANDATU. MAITATU.ON EGIN. Gure etxeko leloa da. 3 hitz hauek gure proiektuari esanahia ematen diote eta bere ardatz bihurtu dira.